धरान/‘पूर्वाञ्चल ओपन फुटसल’ प्रतियोगिता पूर्व मंगलबार प्रचारात्मक मोटरसाइकल र्याली निकालिएको छ ।
धरान–८, पूर्वाञ्चल इन्जिनियरिङ कलेज परिषरबाट सुरु भएको मोटरसाइकल र्यालीमा ४० जना युवाहरु सहभागी बनेका थिए । र्याली धरान नगर परिक्रमा गर्दै धरान–१५ को विगफुट फुटसलमा पुगेर टुंगिएको थियो ।
मंसिर ९ देखि ११ गतेसम्म चल्ने फुटसल विजेताले नगद एकलाख ७ हजार रुपैयासहित ट्रफी, मेडल र प्रमाण पत्र पाउने छन् भने उपविजेताले नगद ५५ हजार रुपैयासहित ट्रफी, मेडल र प्रमाण पत्र प्रदान गरिने आयोजक अलस्टार क्लवले जनाएको छ ।
त्यस्तै अनुशासित टिम र मेन अफ दि फाइनलले नगद ५ हजार रुपैया प्राप्त गर्ने छन् । साथै, वेष्ट प्लेयरलाई फुटसल जुत्ता प्रदान गरिने बताइएको छ ।
