इटहरी/ इटहरी व्याडमिन्टन क्लबको वार्षिक उत्सवका अवसरमा विहीबारदेखि अन्तर सदस्यीय सदस्यीय व्याडमिन्टन प्रतियोगिता हुने भएको छ ।
इटहरी ५ स्थित क्लबको १३ औं वार्षिक साधारण सभाका अवसरमा सो प्रतियोगिता हुन लागेको हो । प्रतियोगितामा डीभिजन ए, डिभिजन वी र भेट्रान्स गरी तीन विधामा सो प्रतियोगिता हुने आयोजकले जनाएको छ । क्लबका सदस्य युरेन प्याकुरेलका अनुसार खेलाडीहरुलाई समेटी खेलको विकास र नयाँ खेलाडी उत्पादन गर्ने उदेश्यले प्रतियोगिता आयोजना गरिएको हो ।
तीन दिनसम्म सञ्चालन हुने प्रतियोगितामा तीनै विधाका विजेता खेलाडीलाई १० तोला बराबरको चाँदीको शिल्ड र प्रमाणपत्र प्रदान गरिने क्लबका अध्यक्ष मणिराज गुरुङले जानकारी दिए ।
