धरान/चौधौं डिपो कप अन्तर्गत आइतबार पुलिस स्कुल, आइडियल स्कुल र पर्वत स्कुल र नेपाल डिभिएम विजयी बनेका छन् ।
[caption id="attachment_61986" align="alignnone" width="954"]
तस्बिरः विकास चाम्लिङ[/caption]
डिपोट माविको खेल मैदानमा जारी खेलमा पूर्व क्षेत्रीय प्रहरीले इटहरीको पिसजोनलाई ३–० ले हराएको छ । आइडियलले मेरिल्याण्ड स्कुललाई २–० ले पराजित गर्दा पर्वत स्कुलले सगरमाथा स्कुललाई ३–२ गोल अन्तरले हरायो । अन्तिम खेलमा इटहरीको डिभिएमले आयोजक डिपो मावि ‘वि’ लाई ३–० ले हराउन सफल भएको छ ।
खेलको म्यान अफ दि म्याच पिसजोनका अविशेक चौधरी, मेरिल्याण्डका रोमन रनपैली, सगरमाथाका गोलरक्षक उज्वल मगर र डिपो स्कुलका गोलरक्षक आदित्य लिम्बू घोषित हुँदै ट्रफी पाए । पराजित टिमहरु दिलकुमार प्लेट च्याम्पियनमा सहभागी बन्ने आयोजकले जनाएको छ ।
भेाली (सोमबार) पहिलो खेल डिपो ए र आवरहोम स्कुल र दोस्रो खेल इम्मानुयल स्कुल र नवज्योति स्कुलबीच स्पर्धा हुने विकास चाम्लिङ राईले जानकारी दिए ।सोमबारदेखि नै प्लेट च्याम्पियन सुरु हुने आयोजक डिपो स्कुलले जनाएको छ ।
