धरान/चौधौं डिपो कप अन्तर्गत मंगलबारको खेलमा पुर्व क्षेत्रिय प्रहरी स्कुल र आइडियल स्कुल अन्तिम चारमा प्रवेश गरेका छन् ।
[caption id="attachment_62250" align="alignnone" width="858"]
तस्बिरः विकास चाम्लिङ[/caption]
प्रहरी स्कुलले पर्वत स्कुललाई टाइवेकरमा ३–१ र दोस्रो खेलमा आइडियलले नेपाल डिभिएम स्कुल, इटहरीलाई ३–० गोलले हराउँदै अन्तिम चारमा प्रवेश गरेका हुन् । खेलको म्यान अफ द म्याच पर्वत स्कुलका सुहन घतानि र नेपाल डिभिएमका शिवराज राई घोषित हुँदै ट्रफी पाए ।
त्यस्तै प्लेट च्याम्पियन तर्फ इटहरीको पिसजोन स्कुलले मेरिल्याण्ड स्कुललाई ५–० र सगरमाथा स्कुलले डिपो वि टिमलाई २–० गोल अन्तरले पराजित गरेको छ । बुधबारको पहिलो सेमिफाइनल खेल आयोजक डिपो ए टिम र पुर्व क्षेत्रिय प्रहरी स्कुल र दोस्रो सेमिफाइनल खेल आइडल स्कुल र नवज्योति स्कुल बीच हुने आयोजक डिपो स्कुलले जनाएको छ ।
