धरान/इन्टर कलेज मेन एण्ड वुमन फुटबल प्रतियोगिताको सोमबारको खेलमा आर्दश, सुनसरी टेक्निकल र नवोदय स्कुल विजयी बनेका छन् । भगवति निमाविको खेल मैदानमा जारी खेलमा आर्दश ए ले विष्णु माविलाई ६–१ गोल अन्तरले पराजित गर्दै दोस्रो चरणमा प्रवेश गरेको छ । आर्दशका लागि राजु लिम्बू, अमोद माझीले एक–एक गोल गर्दा सनम राई र दिवाज मास्केले २–२ गोल गरेका थिए । विष्णुका लागि एकमात्रै सान्तवना गोल एन्जल भट्टराईले गोल गरेका थिए । खेलको म्यान अफ दी म्याच आर्दशका सनम राई घोषित हुँदै ट्रफी पाए । दोस्रो खेलमा सुनसरी टेक्निकल वि ले आर्दश विलाई ३–१ गोल अन्तरले पराजित गरेको छ । खेलमा सुनसरी टेक्निकलका लागि मिलन राईले ह्याट्रिक गरेका थिए । आर्दशबाट रुजन कार्कीले सान्तवना गोल गरे । खेलको म्यान अफ दी म्याच टेक्निकलका मिलन लिम्बू घोषित हुँदै ट्रफी पाए । तेस्रो खेलमा समिटले वाकओभर दिएपछि नवोदन स्कुल विजयी बनेको थियो । मंगलबारको पहिलो खेल महिलाको टिम बालिका स्कुल र नेशनल कलेजबीच हुने छ भने दोस्रो खेल विजयपुर र पब्लिक साथै नेशनल र सुनसरी टेक्निकल ए बीच हुने अध्यक्ष पर्शुराम आङबुहाङले जानकारी दिए ।