नगरस्तरीय व्याडमिन्टन प्रतियोगिता सम्पन्न

इटहरी/ सगरमाथा व्याटमिन्टन क्लब इटहरी ३ को आयोजनामा नगर स्तरीय व्याडमिन्टन प्रतियोगिता सम्पन्न भएको छ ।

तीन समुह चरण भएको भएको सो प्रतियोगितामा एक सय २० जना खेलाडीको सहभागिता रहेको आयोजकले जनाएको छ । प्रतियोगितामा समुह ए बाट मन्दिप घले र प्रमेश श्रेष्ठ पहिलो तथा भूपाल थापा र रमेश पाण्डेको जोडीले दोस्रो स्थान हात पारेको थियो । यसै गरी समुह वी बाट बज्र आङ्दामवे र सञ्जय पोख्रल पहिलो तथा माइकल चौधरी र सरोज शिवाकोटीको जोडीले दोस्रो स्थान सुरक्षित गरेको थियो । भेट्रान समुहबाट पेमा लामा र बलबहादुर मगर पहिलो तथा तुलसी सुवेदी र गजेन्द्र लिम्बूको जोडी दोस्रो भएको आयोजकले जनाएको छ । तीन दिनसम्म सञ्चालन भएको प्रतियोगिताका समापन समारोहका प्रमुख अतिथि सुनसरी २ ‘क’ का प्रदेश सभा सदस्य सर्वध्वज साँवाले विजेतालाई मेडल तथा प्रमाण पत्र प्रदान गरेको आयोजकले जनाएको छ ।

आयोजक क्लबका अध्यक्ष बमबहादुर लिम्बूको अध्यक्षतामा भएको कार्यक्रममा विभिन्न सामाजिक तथा खेलकुद क्षेत्रसँग सम्वन्धीत व्यक्तीहरुको सहभागिता रहेको थियो ।