धरान/इन्टर कलेज मने एण्ड वुमन फुटबल प्रतियोगिताको उपाधि आर्दश कलेज विज्ञान संकायले उचालेको छ । वुमनको भने पब्लिक माविले जितेको छ । भगवति निमाविको खेल मैदानमा शनिबार सम्पन्न खेलमा आर्दशले विजयपुर माविलाई सडेन डेथमा हराउँदै उपाधि उचालेको हो भने पब्लिकले नेशनल कलेजलाई ट्राइबेकरमा हराउँदै उपाधि जितेको हो । उपाधि विजेता पुरुष टिमले नगद १५ हजार रुपैया र महिला टिमले नगद १० हजार रुपैयासहित ट्रफी मेडल र प्रमाण पत्र प्राप्त गरेको छ । त्यस्तै उपविजेता पुरुष टिमले नगद ८ हजार रुयैया र महिला टिमले नगद ५ हजार रुपैयासहित ट्रफी, मेडल र प्रमाण पत्र प्राप्त गरेको छ । विजेता टिमलाई आयोजक कामना टोल सुधार समितिका अध्यक्ष पर्शुराम आङबुहाङले नगद तथा ट्रफी प्रदान गरे ।