पाँचथर । पौष ७ देखि सुरु हुने नवौं रुस्लान फाल्गुनन्द गोल्डकप फुटवल प्रतियोगिताको खेल तालिका आयोजकले सार्वजनिक गरेको छ ।
तालिका अनुसार प्रतियोगिताको उद्घाटन खेलमा आगन्तुक टोलि डिभाइन ब्वाइज युनियन क्लब काठमाण्डौंले सुनसरी–११ को सामना गर्नेछ । पौष ८ गते डिफेन्डिङ च्याम्पियन बिर्तामोड युनाइटेड क्लव झापा र मिशन युनाइटेड क्लव ताप्लेजुङ बीच प्रतिश्पर्धा हुनेछ । पौष ९ गते बिभागिय टोलि एपिएफले उद्घाट्न खेलको बिजेता सँग खेल्नेछ ।
पौष १० गते आयोजक फिदिम स्पोर्टिङ क्लवले बिर्तामोड युनाइटेड र मिशन युनाइटेड बीचको बिजेताको सामना गर्नुपर्नेछ । पौष ११ गते भारतको युके फुटवल क्लव दार्जिलिङ र अग्नी रुपन्देही बीच आमने सामने हुनेछ भने पौष १२ गते मोरङ–११ र अर्का बिभागिय टोलि त्रिभुवन आर्मी बीच भिडन्त हुनेछ ।
प्रतियोगिताको फाइनल खेल पौष १६ गते हुने आयोजक फिदिम स्पोर्टिङ क्लवका अध्यक्ष बिमल श्रेष्ठले जानकारी दिए । जिल्लाकै सर्बाधिक लोकप्रिय फुटबल प्रतियोगिताको बिजेताले नगद तीन लाख र उपबिजेताले नगद दुई लाख प्राप्त गर्नेछन् ।
