चर्चित नायक सौगात मल्लको सिनेमा ‘लालपूर्जा’को ट्रेलर सार्वजनिक भएको छ । बिहीवार राजधानीमा आयोजित कार्यक्रममा सिनेमाको कमेडी ट्रेलर सार्वजनिक गरिएको हो । ट्रेलरमा सौगातको फरक गेटअप तथा प्रेम,कमेडी, रोमान्स लाई देखाइएको छ ।
सिनेमामा दुई दाजुभाइको लालपूर्जाकै कारण उत्पन्न द्वन्द्वलाई देखाइएको छ । सिनेमामा सौगात, बिपिन, मिरुना, मेनुकाको अलवा कामेश्वर चौरासिया, हरिहर शर्मा, कुमार नगरकोटी लगायतको अभिनय रहेको छ । सिनेमालाई निगम श्रेष्ठले निर्देशन गरेका हुन् भने उनले यस अगाडि छड्के निर्देशन गरेका थिए । निर्देशक श्रेष्ठले जग्गालाई लिएर हुने दाजुभाइको झगडा तथा भौतिकवाद र अध्यात्मवादको लडाइ सिनेमाले देखाउन खोजेको बताए ।
निर्माता विक्रमसिंह थारुले ४ माघ गते कलाकारिताको महाकुम्भ भएको बताए । सिनेमा माघ ४ गतेबाट प्रदर्शनमा आउने निर्देशक श्रेष्ठले बताए ।
[embed]https://youtu.be/9D3aF5n1ajo[/embed]
