विराटनगर/ प्याब्सन मोरङ क्षेत्र नम्बर ९ को आयोजनामा मोरङको रंगेलीमा शनिबार सम्पन्न भएको स्पोट्र्स मिटतर्फको क्रिकेट प्रतियोगिता सम्पन्न भएको छ । बिद्यार्थीहरुको चौतर्फी क्षमता विकास गर्ने उद्देश्यले आयोजित प्रतियोगिता रंगेलीको जनता क्याम्पसको खेल मैदानमा सञ्चालन भएको हो ।

क्रिकेट खेलको फाईनलमा रङ्गेलीमा रहेको भानु मेमोरियल ईङलिस बोडिङ स्कूल विजयी भएको छ । खेलमा मिलिल्यान्डले टच जितेर ब्याटिङ रोज्दै १६ ओभरको खेलमा १ सय ११ रन बनाएको थियो । उसका लागि अमित महत्तोले १८ बल खेल्दै २५ रन बनाउन सफल भएका थिए । मिनिल्यान्डकै सन्दिप बरालले १८ र संगम घिमिरेले १२ रन बनाएका थिए । भानु मेमोरीयल एकाडेमीले १५ ओभर ४ बल खेल्दै ५ बिकेटको क्षतिमा जित हाँसिल गरेको हो । उनका लागि रोहित शर्मले ३५ रन बनाएका थिए । खेलको म्यान अफ द सिरिज र बेस्ट बलर मिनिलिल्याण्डका अमित महत्तो घोषित भएका छन् । त्यसैगरी खेल भरिमा उत्कृष्ट बेस्ट ब्याटम्यानस मुनलाईटका बोर्डिङ स्कूलका मोहम्मद निसार आलमा भएका थिए । क्रिकेट खेलमा १४ वटा विद्यालयका विद्यार्थीहरुले खेलेका थिए । खेलमा प्रथम र द्वितीय हुनेलाई मेडल, प्रमाणपत्र ट्रफि बितरण गरिएको प्याब्सन मोरङका अध्यक्ष सुनिल पौडेलले जानकारी दिए ।