पथरी । पथरी मिडिया प्रालिको प्रस्तुति टेलिसिरियल शंकर ज्वेलर्सद्वारा प्रायोजित ‘दोबाटे’ले आफ्नो १ सय ५१ भाग सफलतापूर्वक पस्किसकेपछि पथरीमा ‘घुम्ती उत्सव’ गर्ने भएको छ ।
मंगलबार पथरीशनिश्चरे १ स्थीत मनोहर पार्कमा पत्रकार सम्मेलनको आयोजना गरी घुम्ती उत्सव बुधबार सञ्चालन गर्ने जनाएको हो । पत्रकार सम्मेलनमा ‘दोबाटे’ टेलिसिरियलका कलाकारहरु, प्राविधिकहरुले १ सय ५१ भाग सम्म आइपुग्दा ठुलो सफलता भएको बताएका छन् ।
उक्त टेलिसियलका निर्देशक हरेन्द्र खत्रीले भने–‘आज हामी धेरै हर्षित भएका छौँ,किन कि मोफसलबाट पनि हामीले यतिका दिनसम्म यो सिरियललाई दर्शक माझ ल्याउन सफल भयौं ।’ उनले थपे–‘हामीलाई केन्द्रबाट सिनियर कलाकारहरुले हौसला प्रदान गरिरहनुभएको छ । त्यसैले आगामी दिनमा सिरियललाई अझ बजबुत बनाएर लानेछौं ।
कार्यक्रममा नेपाल पत्रकार महासंघ मोरङका सह–सचिव सन्तोष राई, प्रदेश पार्षद मोहन भट्टराईले शुभकामना मन्तव्य राखेका थिए । घुम्ती उत्सव आज(बुधबार) पथरीशनिश्चरेको किर्तिपुर बजार, शनिश्चरे बजार र अन्त्यमा पथरीको जनआन्दोलन चौकमा आएर समापन गरिने कलाकार अभय पोखरेलले जनाए । 
