इटहरी / आगामी पुस २८ गतेदेखि इटहरीमा अण्डर १९ राष्ट्रिय प्रिमियर क्रिकेट प्रतियोगिता सञ्चालन हुने भएको छ । इटहरी क्रिकेट एकेडेमीको आयोजनामा सो प्रतियोगिताको दोस्रो संस्करण हुन लागेको हो ।
प्रतियोगिताको विजेता टिमले नगद एक लाख रुपैइाँ सहित ट्रफि, मेडल र प्रमाणपत्र प्राप्त गर्ने छन् । यसै गरी दोस्रो हुने टीमले नगद ५० हजार रुपैयाँ सहित ट्रफि, मेडल र प्रमाणपत्र प्राप्त गर्ने आयोजक इटहरी क्रिकेट एकेडेमीका प्रशिक्षक सीपी पौडेलले जानकारी दिए ।
प्रतियोगिता बारे जानकारी दिन बुधबार इटहरीमा आयोजित पत्रकार सम्मेलानमा प्रतियोगितामा नेपालका नेपालका प्रमुख ५ शहरका टीम तथा आयोजक सहित ६ टीमको सहभागिता रहने छ ।
लिगकम नकआउटका आधारमा टि २० फरमेटमा हुने सो प्रतियोगिता डिभीएम स्कुलको खेल मैदानमा सञ्चालन हुने छ । प्रतियोगितामा सर्वोत्कृष्ठ खेलाडी, वेष्ट व्याट्स म्यान, वेष्ट बलर र प्रत्येक खेलमा म्यान अफ द म्याटको पुरस्कार समेत प्रदान गरिने आयोजक एकेडेमीका अध्यक्ष कैलाश विष्टले जानकारी दिए ।
