चक्रघट्टि । बराह नगरपालिकामा एभरेष्ट फुटबल क्लवको आयोजनामा भरौलको एभरेष्ट फुटबल क्लबको खेल मैदानमा प्रथम मेयर कप हुने भएको छ ।
क्लबले शनिवार पत्रकार सम्मेलनको आयोजना गरि फुटवल खेल हुने जानकारी गराएको हो ।
यहि पुस ३० देखि माघ ७ गते सम्म खेल हुने क्लबका अध्यक्ष मधुसुदन भट्टराईले पत्रकार सम्मेलन मार्फत जानकारी गराएका छन् ।
खेलमा आठ वटा क्लवले भाग लिने जनाइएको छ । जसमा बेलबारी फुटबल क्लव ,मोरङ, बक्लौरी फुटबल क्लव ,बक्लौरी , राजाबास फुटबल क्लव ,बराह नगर ,बराहक्षेत्र फुटबल क्लव,बराह नगर , पुर्व क्षेत्रीय तालिम केन्द्र रानी ,बिराटनगर ,गाईघाट फुटबल क्लव ,उदयपुर , द ब्वाइज क्लव , इटहरी , एभरेष्ट फुटबल क्लव ,भरौल सहभागी हुने भट्टराइले जानकारीदिए ।
खेलमा विजेता हुने प्रथम पुरस्कार १ लाख १ हजार र दोसो्र पुरस्कार ५१ हजार प्रदान गरिने जनाइएको छ । म्यान अफ दि म्याच खेलको प्रत्येक दिनमा २५सय र फाइनलमा ३ हजार प्रदान गरीने साथै हाइस्कोर ल्याउनेलाई ७ हजार ,बेस्ट किपर ५ हजार ,प्लेयर अफ द टुर्नारमेन्ट १० हजार प्रदान गरीने आयोजक कमिटीले जानकारी दिएको छ ।
