काठमाडौं/ आज विहान पौने ६ बजे १६ वर्ष यताकै सबैभन्दा बढी चीसो मौसम मापन गरिएको छ ।
[caption id="attachment_67728" align="aligncenter" width="1800"]
फायलफाेटाे[/caption]
अघिल्लो वर्ष १६ वर्ष यताकै सबैभन्दा बढी चीसो भनिएको काठमाडौंमा शून्य दशमलव ८ डिग्री मापन गरिएकोमा आईतबार विहानको तापक्रम त्यो भन्दा कम शून्य दशमलव ५ डिग्रीमा झरेको बताईएको छ । मौसमविद्हरुका अनुसार यो तापक्रम करिव डेढ दशकको सबैभन्दा कम हो ।
अहिले देशको काठमाडौं उपत्यकालगायत पहाडी क्षेत्रमा तापक्रम क्रमशः घट्दै गएको छ । मौसमविद्हरुले अझै केही दिन चीसो बढ्दै जाने अनुमान गरेका छन् । पूर्वी र पश्चिम तराइमा पनि जाडो क्रमशः बढेको छ । पश्चिमी वायुको प्रभावले अब केही दिन अझै जाडो बढ्ने सम्भावना रहेको मौसमविद्हरु बताउँछन्।
