काठमाडौं/त्रिवि शिक्षण अस्पतालका वरिष्ठ हाडजोर्नी विशेषज्ञ डा. गोविन्द केसीले प्रधानन्यायाधीश गोपाल पराजुलीको शैक्षिक योग्यतादेखि जन्ममितिसम्म गलत रहेको दाबी गरेका छन् ।
अदालतको अवहेलना मुद्दामा बयान दिन सर्वोच अदालतका न्यायाधीशद्वय ओमप्रकाश मिश्र र केदारप्रसाद चालिसेकोे इजलासमा बयान दिँदै उनले पराजुलीको शैक्षिक योग्यता र जागिर खाने उमेरका विषयमा छानबिन गर्न माग गरेका छन् ।
अदालतको अवहलेना हुनेगरी अभिव्यक्ति नदिएको प्रस्ट पार्दै उनले बयानका अधिकांश हिस्सा प्रधानन्यायाधीश पराजुलीको कार्यक्षमता, नैतिकता र बदनियतपूर्ण आदेशमा खर्चिएका छन् । राजधानी दैनिक
