इंग्लिस क्लव म्यानचेष्टर युनाइटेडले आर्सनलका स्ट्राइकर एलेक्स साञ्चेजलाई क्लवमा भित्र्याएको छ । चिलीका २९ वर्षे साञ्चेजको बदलामा म्यानचेष्टर युनाइटेडले हेर्निख मखितर्यानलाई आर्सनलमा पठाएको छ । साञ्चेजले कर बाहेक १ करोड ४० लाख पाउण्डमा साढे ४ वर्षको सम्झौता गरेका हुन् । सन् २०१४ मा स्पेनिस क्लव बार्सिलोना छाडेर आर्सनल आएका साञ्चेजले १ सय ६५ खेलमा ८० गोल गरेका थिए । आर्सनलले उनका लागि सन् २०१४ को जुलाईमा ३ करोड पाउड तिरेको थियो । उनी गएको सिजनमा नै आर्सनल छाडेर म्यानचेष्टर सिटी जाने तयारी गरेका थिए । साञ्चेजकै उमेरका हेर्निखले ६३ खेलमा म्यानचेष्टर युनाइटेडका लागि १३ गोल गरेका थिए ।
प्रशिक्षक जोसे मोरिन्होको विश्वास जित्न नसकेपछि हेर्निखले प्रिमियर लिगमा यो सिजन जम्मा १० खेलमा मात्र मैदान उत्रिने अवसर पाएका थिए । अर्मानियाका हेर्निख गत जुलाईमा २ करोड ६३ लाख पाउण्डमा बोरुसिसा डर्डमुण्डबाट म्यानचेष्टर युनाइटेड आएका थिए ।
