बुढासुब्बाको प्रवद्र्धन कप शुरु

धरान/२० औं बुढासुब्बा रेडबुल प्रवद्र्धन कर्पोरेट कप शनिबारदेखि शुरु भएको छ । [caption id="attachment_70920" align="alignnone" width="800"] तस्बिरः उपेन्द्र चाम्लिङ[/caption] एन्फा एकेडेमीको खेल मैदानमा सम्पन्न उद्घाटन खेलमा बराह ज्वेलरी र यातायात मजदुरको टिमले विजयी शुरुवात गरेको छ । सुनसरी उद्योग बाणिज्य संघको टोलीले वाक ओभर दिएपछि बराहले जित निकालेको हो । त्यस्तै दोस्रो खेलमा यातायात मजदुरको टिमले पत्रकारको टिमलाई ३–१ गोल अन्तरले पराजित गरेको छ । पत्रकारको टोलीबाट एकमात्रै सान्तवना गोल धिरेन लिम्बूले गर्दा यातायातबाट सुरज राई, जोन मोक्तान र उत्तम खत्रीले गोल गरेका थिए । प्रतियोगितामा ६ वटा टिमहरु सहभागी छन् । सेमिफाइनलमा यातायातले एसीसी धरानको टिमबीच खेल्ने छ भने बराहले बैंकर्स एसोसिएसनबीच खेल्ने कर्पोरेट कप संयोजक नविन राईले बताए । विजेताले नगद ३० हजार र उपविजेताले नगद १५ हजार रुपैयासहित सिल्ड र प्रमाण पत्र पाउने छन् । कर्पोरेट कपको उद्घाटन आयोजक धरान फुटबल क्लवका संरक्षक मिनकुमार सुब्बा र अध्यक्ष तथा एन्फा उपाध्यक्ष किशोर राईले गरे ।