शनिश्चरे/मोरङको पथरीशनिश्चरे ५ को हसन्दहस्थित अमरसिंह माध्यामिक विद्यालयले आफ्नो स्थापनाको ५० औं वर्ष प्रवेशको स्वर्ण महोत्सवको अवसरमा भलिवल प्रतियोगिता सुरु गरेको छ ।
प्रथम नगरस्तरीय मावि भलिवल प्रतियोगिताको बुधबार एक कार्यक्रमका बीच पथरीशनिश्चरे नगरपालिकाका प्रमुख दीलिपकुमार राईले उद्घाटन् गरेका छन् । सो अवसरमा वडास्तरीय खानेपानी तथा सरसफाई समितिको आयोजना र प्लान नेपाल र सीएसडीसीको सहजिकरणमा विद्यालय परिसर सहित बजार सरसफाई गरिएको छ ।
०२४ सालमा स्थापित सो विद्यालयले भलिवल प्रतियोगिताको फाइनल सहित विभिन्न कार्यक्रम गरी माघ २० गते स्वर्ण महोत्सवको कार्यक्रम तय गरेको विद्यालय व्यवस्थापन समिति गजेन्द्रबहादुर अधिकारीले जनाए ।
