काठमाडौँ / भारतीय विदेशमन्त्री सुष्मा स्वराज आज नेपाल आउँदै छिन् । उनी वायुसेनाको विशेष विमानमार्फत अपराह्न नेपाल आउन लागेकी हुन् ।
दुई दिने शुद्ध राजनीतिक भेटघाटका लागि नेपाल आउन लागेकी उनी नेपाली समय अनुसार अपराह्न ३ः३० मा त्रिभुवन अन्तराष्ट्रिय विमानस्थलमा अवतरण गर्ने भएकी हुन्।
एयरपोर्टपछि उनी सिधै होटल सोल्टी जाने र त्यही नै राजनीतिक भेटघाट गर्ने श्रोतले जनाएको छ।
स्वराजले दुर्इ दिने भ्रमणामा राष्ट्रपति विद्यादेवी भण्डारी, प्रधानमन्त्री शेरबहादुर देउवा, एमाले अध्यक्ष केपी शर्मा ओली, माओवादी केन्द्रका अध्यक्ष पुष्पकमल दाहाल र मधेसकेन्द्रित दलका नेतासँग भेटवार्ता गर्नेछिन्।
