मोरङ । ईलाका प्रहरी कार्यालय रानीको टोलीले सोमबार एक युवकलाई लागूऔषधसहित पक्राउ गरेको छ।
उक्त कार्यालयबाट लागूऔषध नियन्त्रण अभियानका क्रममा खटिएका गस्ती टोलीले धनकुटा खाल्साछिन्ताङ गाउँपालिका ५ बस्ने २३ वर्षीय राकेश राईलाई २७ एम्पुल टिडिजेसिक ईन्जेक्सनसहित पक्राउ गरिएको हो।
राईले दुबै हातको पाखुरामा उक्त लागूऔषध सेतो टेपले टाँसेर ल्याउँदै थिए। जोगबनी नाकाबाट लागूऔषध बोकेर आउदै गरेका राईलाई सोमबार दिउँसो अभियानमा खटिएका टोलीले विराटनगर महानगरपालिका १५ बाट पक्राउ गरेका हुन्।
राईलाई लागूऔषध मुद्दामा म्याद थप गरी अनुसन्धान कार्य भई रहेको छ।
