बिर्तामोड/नेपाल टेलिभिजनको नृत्यमा आधारित पहिलो रियालिटी शो रियो छमछमी सिजन ४ को अडिसन उपत्यका बाहिर पहिलो पटक झापामा हुने भएको छ ।
छमछमी टिमले विहीबार बिर्तामोडमा पत्रकार सम्मेलनको आयोजना गरी असोज १३ र १४ गते बिर्तामोडमा अडिसन गर्न लागेको जनाएको हो । २०६६ सालदेखि शुरु गरिएको छमछमी कार्यक्रमको ३ वटा सिजन सम्पन्न भइसकेका छन् ।
छमछमी पहिलो सिजन विजेता झापाका अनुजा अग्रवाल, दोस्रो सिजन बिजेता साजन तामाङ र तेस्रो सिजन विजेता हेटौडाका सरोज प्रजा भएका थिए ।
रियो छमछमी ४ को अडिसन काठमाडौमा भइसकेको छ भने बिर्तामोडपछि इटहरी, जनकपुर, हेटौडा, चितवन, पोखरा, वुटवल, कोहलपुर, सुर्खेत र धनगढीमा हुने छमछमी टिमका पुरुषोत्तम घिमिरेले बताए ।
