सांकेतिक तस्विर[/caption]
धरान/धरानमा फेरि अर्को साहसिक खेल ‘फ्लाइङ फक्स एड्भेञ्चर’ को शुरुवात भएको छ ।
यसअघि धरानमा प्याराग्लाइडिङ, र्याफटिङ र साइक्लिङ जस्ता साहसिक खेल शुरुवात भइसकेको छ । तीनदिनसम्म यो खेल रहने कार्यक्रम व्यवस्थापक अमितप्रसाद आचार्यले जानकारी दिए ।
उनका अनुसार यो खेल काठमाडौं, चितवनलगायतमा छ । पूर्वमा पहिलो पटक सुरुवात गरिएको फ्लाइङ फक्समा झण्डै सयको हाराहारीमा मानिसहरुले आनन्द लिएका छन् ।
फ्लाइङ फक्सको औपचारिक उद्घाटन पर्यटन मन्त्री जगदिस कुसियतले गरेका छन् ।
एकसय ५० मिटर लम्बाइको फ्लाइङ फक्समा एकपटकमा एकजनाले खेल्न सक्ने छन् । धरान-२० सर्दुजलाधार क्षेत्रमा राखिएको यो साहसिक खेलमा युवायुवतीले मनोरञ्जन लिएका छन् ।
धरान-१३ निवासी आचार्यले आफ्नै गाउँघरमा सुविधा दिने सोचले फ्लाइङ फक्स खेल ल्याएको बताए ।
उनले महिनामा तीनपल्ट ल्याउने योजना रहेको सुनाए ।
