उदयपुर/उदयपुरको त्रियुगा नगरपालिका वडा नं. १६ बेलदोभानमा एक पुरुषको कंकाल फेला परेको छ ।
त्रिनपा १६ स्थित बेल्दोभान नजिकैको झाँडीमा पुरानो अवस्थाको कंकाल फेला परेको हो । शरीरको मासुु कुहिएर दुर्गन्ध समेत नआउने भई सकेको अवस्थामा कंकालमा रहेको जिल्ला प्रहरी कार्यालयले जनाएको छ ।
कंकालको शरिरमा लगाएको लुगाफाटो मक्किसकेको र एउटा झोलासँगै भेष्ट,पाईन्ट, मोबाईल सेट फेला परेको प्रहरीले जनाएको छ ।
खप्पर, हात, खुटुटा लगायत शरिरका विभिन्न भागको हड्डीको कंकाल र जुत्ता भित्रै खुट्टाका हड्डी रहेको अवस्थामा फेला पारेको थियो ।
मृतको कंकाल जम्मा गरी प्रहरीले जिल्ला अस्पताल उदयपुरमा लगेको प्रहरीले जनाएको छ । घटनाको अनुसन्धान भईरहेको जिल्ला प्रहरी कार्यालय उदयपुरको प्रमुख प्रहरी उपरिक्षक चन्द्रदेव राईले बताए ।
