सिरहा । सिरहा जिल्लाको कर्जन्हा नगरपालिकामा बिशेष सुराकी को अधरमा विभिन्न स्थानमा लगाईएको अवैध गाँजा खेती फडानी गर्ने कार्यलाई सिरहाको मिर्चैया प्रहरीले निरन्तरता दिएको छ ।
ईलाका प्रहरी कार्यालय मिर्चैया र सशस्त्र प्रहरी वल सुरक्षा बेस क्याम्पका संयुक्त गस्ति टोलीले कर्जन्हा नगरपालिका बडा नं. १० मा लगाइएको करीब २ कठ्ठाको अबैध गाजा खेती (शनिबार) नष्ट गरेको हो ।
अबैध रुपमा लुकाईछिपाई बडाको बिभिन्न स्थानमा लगाईएको करीब २ कठ्ठाको १ हजार ५ सय अबैध गाँजाका बोट फडानी गरी नष्ट गरिएको सशस्त्र प्रहरी वल सुरक्षा बेस क्याम्प मिर्चैयाका प्रहरी नायव उपरीक्षक (डिएसपी) गेहेन्द्र भण्डार तथा ईलाका प्रहरी कार्यालय मिर्चैयाका प्रहरी नायव उपरीक्षक (डिएसपी) दिपेन्द्र शाहले बताए । गाँजा फडानीका लागी अभियान नै सञ्चालन गरिएकोले विभिन्न ठाउँमा लगाईएका गाँजा खेती नसकिएसम्म फडानी कार्य जारी रहने (डिएसपी) शाहले बताए । गाँजा लागुऔषध भएकाले गाँजा खेति, उत्पादन, खरिद विक्री तथा ओसारपसार गर्नेलाई लागुऔषध नियन्त्रण ऐन अनुसार कारवाही हुने उनले वताए ।
