भद्रपुर । नेपालको होचो भू–भागले परिचित कचनकवलको वनियानी बजार क्षेत्रमा साप्ताहिक रुपमा सरसफाई अभियान शुरु गरिएको छ । कचनकवल गाउँपालिका–६ र इलाका प्रहरी कार्यालयको आयोजनामा सोमबारबाट वनियानी क्षेत्र सरसफाई अभियान शुरु गरिएको हो । हाम्रो वनियानी,राम्रो वनियानी र स्वच्छ वनियानीको नारासहित कार्यक्रम सम्पन्न गरिएको वडा अध्यक्ष कुलबहादुर कार्कीले जानकारी दिए । वडा नम्बर–६ मा रहेको वनियानी बजार, मठ मन्दीर लगायतका स्थानमा सधै सफा राख्न सरसफाई गरिएको उनले जनाए । कार्यक्रममा, स्थानीय क्लब, जेष्ठ नागरिक, वडा कार्यालयका कर्मचारी ,विभिन्न राजनीतिक दल, सुरक्षाकर्मी , स्थानीय युवा लगायतको सहभागिता रहेको इलाका प्रहरीका सई उदय शम्शेर राणाले जानकारी दिए । प्रत्येक हप्ताको सोमबार सरसफाई गरिने उनले बताए ।