धनकुटा । धनकुटाको चौबिसे गाउँपालिका- ७ स्थित मछिन्द्र सामुदायिक वनबाट प्रहरीले शुक्रबाट १ जनालाई भरुवा बन्दुक सहित पक्राउ गरेको छ ।
दिउँसो साढे १ बजे भरुवा बन्दुक सहित सोही स्थान बस्ने बर्ष ४६ खेम कुमार राईलाई पक्राउ गरिएको जिल्ला प्रहरी कार्यालय धनकुटाले जनाएको छ ।
राईलाई जंगलमा भरुवा बन्दुक पड्काएको भनि स्थानीयले दिएको सूचनाको आधारमा प्रहरी बिट मौनाबुधुकबाट खटिएको टोलीले १ थान बन्दुक, छर्रा २ बट्टा र १ बट्टा बारुद सहित पक्राउ गरिएको हो ।
राईलाई इलाका प्रहरी कार्यालय राजारानीमा राखी थप अनुसन्धान भईरहेको उक्त कार्यालयले जनाएको छ ।
