झापा । झापाको मेचीनगर नगरपालिका- ६ स्थित मेची भन्सार कार्यालय अगाडीबाट चोरीको आरोपमा पक्राउ गरि अनुसन्धानको लागि राखिएको भारतीय गाडीमा लागूऔषध फेला परेको छ ।
आश्विन २२ गते साँझ सवा ६ बजेको समयमा भारतीय बजारबाट नेपाल तर्फ आउँदै गरेको डब्लु बी. ७४ जेट ७००१ नम्बरको गाडी इलाका प्रहरी कार्यालय काँकडभिट्टाले पक्राउ गरेको थियो ।
अनुसन्धानको लागि प्रहरीको नियन्त्रणमा राखिएको उक्त गाडीमा खानतलासी गर्ने क्रममा गाडीको अगाडी पट्टीको भागमा लुकाई छिपाई राखेको अवस्थामा १०० मिलि लिटरको ESKUF नामक लागूऔषध-२ बोतल र नाईट्रोसन ट्याब्लेट-१२ फेला परेको हो ।
लागूऔषध सहित गाडिका चालक मेचीनगर नगरपालिका-६ बस्ने वर्ष ३६ को बिशाल लिम्बु र सोही गाडिमा सवार रहेका वर्ष ३२ को अनुप उरावलाई समेत नियन्त्रणमा राखी थप अनुसन्धान भइरहेको उक्त कार्यालयले जनाएको छ ।
