पथरी । मोरङको पथरीशनिश्चरे नगरपालिका–१, स्थीत सुनाखरी क्लवको आयोजनामा भएको प्रथम पथरीशनिश्चरे खुला नकआउट फुटवल प्रतियोगितामा दोस्रो दिनको खेलमा सुकुना फुटवल क्लव विजयी भएका छन् ।
खेलमा योसेक क्लब मंगलवारेलाई १–० गोलको अन्तरले सुकुना फुटबल क्लब विजय भएको हो । निर्धारित ५० मिनेटको खेलमा सुकुनाले पहिलो हाफको २६ औ मिनेटमा मिलन राईको गोलले अग्रता लिएको थियो । त्यसपछि सुकुनाले गोल गर्ने राम्रा अवसरहरु पाएता पनि त्यसको सदुपयोग गर्न नसक्दा थप गोल गर्न वाट चुकेको थियो ।
त्यसैगरी योसेक क्लव मंगलवारेले पनि निर्धारित समयमा उतकृष्ट खेल प्रस्तुत गरेता पनि कुनै गोल गरेनन् । पाएका राम्रा अवसरहरुलाई योसेकका खेलाडिहरुले सदुपयोग गर्न नसक्दा खेलमा १–० को हार व्यहोर्दै घर फर्किनु पप्र्यो । खेलको म्यान अफदि म्याच सुकुना फुटबल क्लबका निर्णायक गोल कर्ता मिलन राई घोषीत भएका थिए ।
बुधबारको खेल धरान फुटवल फ्यान क्लव धरान र बेलवारी फुटवल क्लव वेलवारी विच प्रतिषपर्धा गर्ने खेल आयोजक समितिले जनाएका छन् । खेलमा प्रथम हुने ५१ हजार १ सय ११ दोस्रो हुनेले ३१ हजार १ सय ११ रुपैंया सहित ट्रफि मेडल र प्रमाण पत्र हात पार्ने क्लवका अध्यक्ष मिलन राईले वताए ।
