झापा  । झापाको भद्रपुर नगरपालिका-५ स्थित दोभानबाट प्रहरीले अन्दाजी ३ लाख ५० हजार रुपैँया बराबरको चौपाया बरामद गरेको छ ।
वडा प्रहरी कार्यालय भद्रपुर र सशस्त्र प्रहरी २ नम्बर गण घोडामाराबाट खटिएको संयुक्त टोलीले बिहान पौने ७ बजेको समयमा भारतबाट नेपाल तर्फ ल्याउँदै गरेको अवस्थामा अन्दाजी ३ लाख ५० हजार रुपैँया बराबरको २८ वटा चौपाया (खसी, बाख्रा) बरामद गरेको हो । बरामद चौपाया आजै मेची भन्सार कार्यालय काँकडभिट्टामा बुझाइएको वडा प्रहरी कार्यालयय भद्रपुरले जनाएको छ ।