काठमाडौं / नुवाकोटको फेदीखोलामा यात्रुबाहक बस दुर्घटना भएको छ । दुर्घटनामा १ जनाको मृत्यु भएको छ । ३० भन्दा बढी घाइते भएको प्रहरीले जनाएको छ । नुवाकोटको मसेरीबाट सदरमुकाम विदुरतर्फ गइरहेको बा१ ख ६३५६ नम्बरको यात्रुबाहक बस शुक्रबार बिहान १० बजे दुर्घटना भएको हो ।
१ महिलाको घटनास्थलमै ज्यान गएको नेपाल प्रहरीका सई पूर्णबहादुर लामाले जानकारी दिए । उनको हालसम्म पनि सनाखत हुन सकेको छैन । सई लामाले उद्धार कार्यजारी रहेको बताएका छन् । घाईतेलाई नजिकको अस्पतालमा पठाउने काम भईहरेको छ । घटनास्थल फेदीखोला जिल्ला सदरमुकाम विदुरबाट झण्डै १२ किलोमिटरको दूरीमा रहेको छ ।
