पथरी । मोरङको पथरीशनिश्चरे–१,स्थीत सुनाखरी क्लवको आयोजनामा जारी प्रथम पथरीशनिश्चरे खुला नकआउट फुटवल प्रतियोगितामा पथरी स्पोर्टिङ फुटवल क्लव बिजय हुर्दै फाइनलमा प्रवेश गरेको छ ।
शनिबार सुनाखरी क्लवको खेलमैदानमा भएको खेलमा सुकुना फुटवल क्लवलाई ३–० गोलको अन्तरले पाखा लगाउदै पथरी स्पोर्टिङ फुटवल क्लव फाइनल प्रवेश गरेको हो । निर्धारित ७० मिनेटको खेलमा पहिलो हाफ गोलरहित वरावरीको अवस्थामा सम्पन्न भएको थियो । मध्यन्तर पछि पथरीले खेलको ५२ औ मिनेटमा अरुण लिम्वुले १ गोल गरेका थिए ।
त्यसैगरी खेलको ६४औँ मिनेटमा पथरीका अरुण लिम्वुले नै व्यत्तिगत दोस्रो गोल गर्दै खेललाई २–० को अन्तर बनाएका थिए । त्यसैगरी खेलका अन्तिम समयमा पथरीका असीम राईले १ गोल गर्दै खेललाई ३–० को फराकिलो अन्तर वनाएका थिए । खेलको म्यान अफदि म्याच पथरीका अरुन लिम्वु घोषीत हुदै नगद १ हजार र ट्रफिले पाएका छन् ।
खेलमा प्रथम हुनेले ५१ हजार १ सय ११ दोस्रो हुनेले ३१ हजार १ सय ११ रुपैंया सहित ट्रफि मेडल र प्रमाण पत्र हात पार्ने क्लवका अध्यक्ष मिलन राईले वताए ।
