पाँचथर/ बिहीबार मोटरसाइकल सिक्ने क्रममा दुर्घटना हुँदा एक युवाको ज्यान गएको छ । मोटरसाइकल सिक्ने क्रममा लडेर फिदिम नगरपालिका–११, नांगीनस्थित बाबुङ्गाका ३२ वर्षिय सुवाश आङ्बोको घटनास्थलमै मृत्यु भएको प्रहरीले जनाएको छ । सिक्ने क्रममा उनी मे ५ प ९०७४ नम्बरको मोटरसाइकल सहित आफ्नै घरको आँगनबाट खस्न पुगेका थिए । सोही क्रममा उनको मृत्यु भएको जिल्ला प्रहरी कार्यालय पाँचथरले जनाएको छ ।