काठमाडाैं / मछिन्द्र क्लब शहीद स्मारक ‘ए’ डिभिजन लिग फुटबलको शीर्ष स्थानमा पुगेको छ । एन्फा कम्प्लेक्स सातदोबाटोमा आज भएको तेस्रो खेलमा मछिन्द्रले सङ्कटा क्लबलाई ३–१ गोलले हराउँदै शीर्ष स्थानमा उक्लेको हो ।
मछिन्द्रको जितमा देवेन्द्र तामाङ, विशाल राई र दीपक राईले गोल गरे। सङ्कटाका लागि विदेशी खेलाडी मेसोउकेले सान्त्वना गोल गरे । पहिलो हाफमा मछिन्द्रले एउटा मात्र गोल गरेको थियो । उक्त गोल खेलको ४४औँ मिनेटमा देवेन्द्रले गरेका थिए। मध्यान्तरपछिको खेलमा मछिन्द्रले थप दुई गोल ग¥यो । मछिन्द्रका लागि खेलको ६४औँ मिनेटमा विशालले फ्रिकिकमार्फत गोल गरे।
खेलको ८२औँ मिनेटमा दीपकले मछिन्द्रका लागि तेस्रो गोल गरे। खेलको ८९औँ मिनेटमा सङ्कटाका लागि मसोउकीले गोल गरे । खेलको म्यान अफ दी म्याच मछिन्द्रका देवेन्द्र घोषित भए । जितसँगै मछिन्द्रले १२ खेलबाट २८ अङ्क जोडको छ । सङ्कटा १२ खेलमा १५ अङ्कका साथ लिगको सातौँ स्थानमा छ ।
