काडमाडाैं / नेपाल पत्रकार महासङ्घले हाम्रा कुरा डटकमका प्रधानसम्पादक अजयबाबु शिवाकोटीको सुरक्षामा ध्यान दिन सरकारसँग माग गरेको छ । महासङ्घका महासचिव रमेश विष्टले पत्रकारिता गरेकै कारण आफू असुरक्षित भएको भनी महासङ्घमा शिवाकोटीले जानकारी गराउनु भएकाले सुरक्षा व्यवस्था मिलाउन माग गरेको जानकारी गराए । उनले पत्रकार शिवाकोटीको सुरक्षाको व्यवस्था गरी स्वतन्त्र र सुरक्षित पत्रकारिता गर्ने वातावरण बनाउन माग गरेका छन । शिवाकोटीले आफ्नो निवास र कार्यालय वरपर केही अपरिचित व्यक्तिले शङ्कास्पद गतिविधि बढाएकाले आफू असुरक्षित भएको भनी महासङ्घलाई जानकारी गराएका थिए । उहाँले स्वतन्त्रतापूर्वक पत्रकारिता गर्ने पत्रकारको संवैधानिक अधिकारलाई हतोत्साहित बनाउने यस्तो गतिविधिको महासङ्घले भत्र्सना समेत गरेकाे छ ।
शिवाकाेटीले सञ्चार मन्त्री गाेकुल बाँस्काेटाकाे बार्गेनिङ गरेकाे विषयमा समाचार लेखेका थिए । जसका कारण मन्त्री पदबाट राजिभाना नै दिनु परेकाे थियाे । यस्तै तत्कालिन सभामुख कृष्णबहादुर महरा र एक महिलाविचकाे सम्बन्धका विषयमा समाचार लेखेर महरा जेल बस्नु परेकाे थियाे ।
