धरान / बजारका सडक, चोक र गल्लीमा फागुको रौनक बिहानै छाइसक्थ्यो । बच्चादेखि युवायुवती हुल बाँधेर हिँड्थे । एकापसमा रङ दल्दै खुशी साट्थे । फागु पर्वको शुभकामना आदानप्रदान गर्थे । सडक पनि रङ्गिन्थ्यो । यसपालिको फागुले भने रौनक गुमाएको छ । कोरोना भाइरस (कोभिड–१९) को जोखिमबाट बच्न सरकारले सावधानीपूर्वक फागु मनाउन भनेको छ । भीडभाड नगर्न, रङ र पानी नछ्याप्न आग्रह गरेको छ ।
स्थानीय प्रशासनले समेत फागु लक्षित मेला, उत्सव र साङ्गीतिक कार्यक्रममा रोक लगाएको छ । समूहमा फागु खेल्ने, रमाउने गरेका युवायुवतीले खल्लो महसुस गरेका छन् । फागु पर्व सीमित साथीभाइ, घर र परिवारमा सीमित भएको छ । आज महाडी क्षाेत्रमा फागुमा रमाउने दिन हाे । काडमाडाै उपत्यकामा झन रमाइलाे हुने गर्थथ्याे ।
पहाडकाे हाेली सुनसान छ ।
फागुका लागि विक्रिमा राखिएकाे टी सर्टहरू बिक्री भएका छैन । रङलगायत फागुमा प्रयोग हुने कुनै पनि सामग्री बिक्री भएन । फागु पर्वमा मात्र नभएर जिल्लामा आयोजना हने अन्य सार्वजनिक सभा, समारोह पनि कोरानाकै कारण स्थगित भएका छन् । धरानमा आज र भाेली दुइ दिन हाेली खेलिदै आएकाे थियाे । तर याे बर्ष काेही हाेली खेल्न निस्किएका छैनन् । चीनको उहानबाट फैलिएको कोरोना भाइरसको सङ्क्रमण ८५ देशमा फैलिएको छ । अहिलेसम्म भाइरसका कारण तीन हजार ५०० भन्दा बढीले ज्यान गुमाएका छन् । झण्डै एक लाख भाइरसबाट सङ्क्रमित छन् ।
