जल्दै गरेको देखे,
बल्दै गरेको देखे,
सपनीमा हजुर,
सभ्यताको गजुर ,
ढल्दै गरेको देखे १
.......
पल पलमा तान्डब देखे,
एकान्तबासमा पान्डब देखे,
प्रकृलेले हजुर मान्छे निल्दै ओकल्दै गरेको देखे
......
कामी रहेका मन देखे ,
बेगारी भएको जन देखे
आत्मबिस्वासको चुली ,
गल्दै गरेको देखे ।
विज्ञान रोएको देखे,
चम्चा चलाउनेले हात धोएको देखे
विपतिको घडीमा पनि शक्तिशालीहरुको जुहारी,
चल्दै गरेको देखे ।
........
पैसा नबिकेको देखे
भित्रबाट लास नझिकेको देखे
मानवता बचाउन खातिर
केहीको जागर अविरल ,
फल्दै गरेको देखे ।
२०७६ /१२/१७ बेलका, रामपुर (बेलका नगरपालिकाका मेयर स्वास्तिक थापाको फेसबुक वालबाट)
