धरान । काठमाडौंमा आयोजना हुन लागेको अन्डर–२३ बास्केटवल प्रतियोगितामा सहभागी हुन जाने धरानका बास्केटवल खेलाडीहरुलाई बुधबार विदाई गरेका छन ।
धरान बास्केटवल संघ र मेघा कलेजले संयुक्त रुपमा खेलाडिहरुलाई विदाई गरेका हुन । उनिहरुलाई नेपाल बास्केटवल संघका केन्द्रिय उपाध्यक्ष सुरजकुमार लामा, सुनसरी बास्केटवल संघ अध्यक्ष नारायण सुवेदी र मेघा कलेजका विविएस कोअर्डिनेटर चन्द्र वनेमले खादा र टिका लगाएर बिदाई गरेका हुन । धरानबाट व्रदर्स बास्केटवल टिमले सहभागिता जनाउने भएको छन ।
क्वेस्ट इन्टरनेसनल कलेज काठमाण्डौको आयोजनामा फागुन २ गते देखि सुरु हुने प्रतियोगितामा धरानको व्रदस टिमबाट सुजन राईको कप्तानिमा आसिस लिम्वु, कविन मगर, विसालहाङ राई, मौसम राई, जोमन राई, सर्वधन राई, सुसन श्रेष्ठ, अभिमान राई, सन्तोष राई र सुसन राजवंशिले सहभागिता जनाउने छ । धरान व्रदस टिम विहिवारको दिन काठमाण्डौ प्रस्थान गर्ने टिम कप्तान सुजन राईले बताए ।
