बिर्तामोड । झापाको सूर्योदय टेलिभिजनले आयोजना गरेको ‘सुर्याेदय क्वीज’ सिजन ५ को उपाधी ‘सिता रमेश बहुमुखी क्याम्पस’बुद्वशान्ति झापाले जितेको छ ।
शनिबार भएको अन्तिम प्रतिस्पर्धामा सिता रमेश बहुमुखी क्याम्पसले उपाधी जितेको हो । यस्तै प्रतियोगीतामा जनता बहुमुखी क्याम्पस इटहरी दोश्रो, मोडल कलेज दमक तेश्रो र महेन्द्र मेमोरीयल एकाडेमी दुहवी, सुनसरी र पथरी बहुमुखी क्याम्पस,मोरङ्ग सान्त्वना भएका छन् ।
प्रतियोगिताको विजेताहरुले क्रमश ५०,हजार, २५ हजार, १५ हजार र १०–१० हजार रुपैयाँ प्राप्त गरेका छन् । विजेताहरुलाई कार्यक्रमका प्रमुख अतिथि मेची बहुमुखी क्याम्पस भद्रपुरका प्रमुख जिवन पोखरेल र सूर्योदय टिभीका अध्यक्ष मनोज उप्रेतीले पुरस्कार, प्रमाण पत्र र ट्रफी प्रदान गरेका थिए ।
गत फागुन देखिशुरु भएको यस प्रतियोगितामा प्रदेश १ का झापा, मोरङ्ग, सुनसरी, इलाम, पाँचथर, ताप्लेजुङ्ग लगायतका जिल्लाबाट १ सय वटा कलेज सहभागि भएका थिए । कार्यक्रममा प्लस टु तथा स्नातक तहमा अध्यनरत विद्यार्थीहरुले सहभागिता जनाएका थिए । सूर्योदय टेलिभिजनले सूर्योदय क्वीज, स्पिच कन्टेस्ट लगायतका कार्यक्रमहरु प्रतियोगताको रुपमा हरेक वर्ष आयोजना गर्दै आएको छ ।
