स्पेनिस ला लिगामा शुक्रबार राति भएको खेलमा भ्यालेन्सियाले सहज जित निकालेको छ । भ्यालेन्सियाले डिपोर्टिभो एलाभेसमाथि ३–० को नतिजा निकालेको हो ।
ड्यानियल वासको गोलबाट तेस्रो मिनेटमै भ्यालेन्सियाले अग्रता लिएको थियो । डेनिस चेसिरेभको पासमा ड्यानियलले भ्यालेन्सियालाई सुरुआतमै अग्रता दिलाएका थिए ।
पहिलो हाफको इन्जुरी समयमा कार्लेस सोलेरले दोस्रो गोल गरे । गोन्कालो गुइडेजको पासलाई गोल गर्दै पहिलो हाफमा भ्यालेन्सियाले २–० को अग्राता लिएको थियो ।
दोस्रो हाफमा म्याक्सिमिलानो गोमेजले दिएको पासमा गुइडेजले गोल गर्दै भ्यालेन्सियाको पक्षमा ३–० को जित सुनिश्चित गरे ।
जितसँगै ३ खेलबाट ७ अंक जोडेको भ्यालेन्सिया ला लिगाको अंक तालिकाको शीर्ष स्थानमा उक्लिएको छ ।
समान खेलमा अंक जोड्न असफल एलाभेस तालिकाको पुछारमा छ । समान तीन खेलबाट ७ अंक जोडेको मायोर्का दोस्रो स्थानमा छ ।
दुई खेलमा ४÷४ अंक जोडेका रियाल मड्रिड र बार्सिलोना क्रमशः पाँचौं र छैठौं स्थानमा छन् ।
