धरान । धरान–१३ को लोटस इङ्लिस बोर्डिङ स्कुलले आफ्ना शिक्षक, कर्मचारीहरूमध्येबाट यसपटक लेखापाल अञ्जु सुनुवारलाई नगदसहितले सम्मानित गरेको छ ।
स्कुलले प्रत्येक वर्ष ‘शिक्षकहरूबीच जमघट’ कार्यक्रम गर्दै एकजना शिक्षक तथा कर्मचारीलाई सम्मानित गर्ने गरेको छ । यस वर्ष लेखापाल सुनुवारलाई सम्मानित गरिएको लोटस इङ्लिस बोर्डिङ स्कुलका प्रबन्धक गणेश राईले जानकारी दिए । उनका अनुसार नगद १० हजार रुपैयाँसहित प्रशंसा पत्र प्रदान गरिएको छ ।
लेखापाल सुनुवारलाई स्कुलकी प्रिन्सिपल सञ्जिता राई र प्रबन्धक गणेश राईले सम्मान पत्र प्रदान गरे । उनी सार्वजनिक बिदाबाहेक अघिल्लो वर्ष १५ दिन मात्रै बिदा लिएकी थिइन् । यसअघि शिक्षक अमृता राई, कमल गिरी, तारा थापा राई, तारामणि राई, पुष्पा गुरुङलाई सम्मानित गरिएको थियो ।
