विराटनगर । विराटनगर – ७ स्थित मेरिल्याण्ड कलेजको उत्कृष्ट हुने विद्यार्थीलाई नगदसहित सम्मान गरेको छ । २०७८ सालको बीबीएस तेस्रो वर्षको परीक्षामा देशभरीमा उत्कष्ट हुने कलेजी सिम्रन अग्रवाललाई नगद २१ हजार रुपैयाँसहित सम्मान गरिएको हो ।
अग्रवालले बीबीएस तेस्रो वर्षको परीक्षामा ८२. २ प्रतिशत ल्याएर देशभरीको उत्कृष्टमा पर्न सफल भएकी थिइन् । सम्मानित भएका अग्रवाललाई २१ हजार रुपैयाँको चेक कलेजका अध्यक्ष गुणराज ढुंगेलले प्रदान गरेका थिए ।
सोही अवसरमा बिबिएस चौथो वर्षमा अध्ययरत विद्यार्थीहरुलाई विदाई गरिएको छ । कलेज परिसरमा शनिबार एक कार्यक्रम आयोजना गरि चौथो वर्षमा अध्ययरत विद्यार्थीहरुलाई विदाइ गरेको हो । विदाइ कार्यक्रममा विद्यार्थीहरुले गीत, नृत्य, कवितालगायतको मनोरञ्जन कार्यक्रम गरेका थिए ।
कार्यक्रममा कलेजका उपाध्यक्ष डा. पिके झा, कलेजका प्रिन्सिपल लक्ष्मण ढकाल, निर्देशक मनोज गुप्ता, नन्दकिशोर अग्रवाल, प्रदिप भगतलगायतको उपस्थित रहेको थियो । मेरिल्यण्ड प्रदेश १ को व्यवस्थापन संकायमा अब्बल शैक्षिक संस्थाको रुपमा परिचित रहेको छ ।
