धरान । पब्लिक माध्यमिक विद्यालय, धरानमा शिक्षक अभिभावक सङ्घको अध्यक्षमा राजेन्द्रकुमार राई (राजेन्द्र किराती) चयन भएका छन् ।
शुक्रबार विद्यालयमा भएको अभिभावक भेलाले राईलाई अध्यक्षमा चयन गरेको हो । अध्यक्षका प्रत्यासी ४ जना मध्ये ३ जनाले अन्तिम समयमा दाबी छाडेका थिए । त्यसैगरी सदस्यहरुमा विनु आचार्य घिमिरे, जयन्ती हुमागाईं, कान्छीमाया राई र तिर्थबहादुर तामाङ चयन भएका छन् ।
जम्मा ९ सदस्यीय सङ्घका लागि अब अभिभावकबाट अध्यक्ष र ४ सदस्य चयन भएपनि शिक्षकबाट ४ सदस्य छनोट हुन बाँकी छ । सङ्घको पदाधिकारीमा छनोट भएकाहरुलाई विद्यालयका प्राचार्य ईन्द्रमोहन झा, विद्यालय व्यवस्थापन समितिका अध्यक्ष हरिबहादुर कार्की लगायतले अबिर र खदा लगाएर बधाई ज्ञापन गरे । नवनिर्वाचित अध्यक्ष राईले व्यवस्थापन समिति र प्रधानाध्यापक तथा अभिभावकको सल्लाह सुझाव अनुसार काम गर्ने बताए ।
