विराटनगर । विराटनगर –७ स्थित मेरिल्याण्ड कलेजमा हाजिरीजवाफ प्रतियोगिता सम्पन्न भएको छ ।
प्रतियोगीतामा विविएस दोश्रो वर्षका कृतिका खतिवडा, महिन्द्रा भगत, सिमिता दास र आशा गुप्ताले प्रथम भए । यस्तै कक्षा – १२ का चन्दा राय, कृष्ण कुमार भन्डारी र निशा वानियाले दोश्रो भए भने कक्षा ११ का अमरदिप मोची, आंचल कुमारी मण्डल, उमेश यादव र सृजना राजवंशीले तृतीय भए ।
विजयी विद्यार्थीहरुलाई कलेजका अध्यक्ष गुणराज ढुङ्गेल, उपाध्यक्ष प्रा.डा. प्रमोद कुमार झाले पुरस्कार तथा प्रमाण पत्र बितरण गरेका थिए ।
विद्यार्थीको प्रतिभा प्रस्फुटन गर्ने उद्देश्यले प्रतियोगिता आयोजना गरिएको कलेजका प्रिन्सीपल लक्ष्मण ढकालले बताए । प्रतियोगीतामा डा. मनोज गुप्ता, लक्ष्मण ढकाल, नवजीत प्रधान, गणेश दाहाल, दिपेस भगत, निदेश आचार्यले क्वीज मास्टरको भुमिका निर्वाह गरेका थिए ।
कार्यक्रममा हिसानका केन्द्रिय उपाध्यक्ष भेषराज पोख्रेल, कलेजका डाईरेक्टरहरु प्रदीप भगत र नन्द किशोर अग्रवालको उपस्थिति रहेको थियो । प्रतियोगितामा कक्षा ११ का ३ टीम, कक्षा १२ का ३ टीम र विविएसका २ टीम गरी ८ टीमको सहभागीता रहेको थियो ।
