गय राती गएको पहिरोमा परेर पाँचथरको फालेलुङ गाउँपालिकामा एक जनाको मृत्यु भएको छ भने परिवारका अन्य दुई जना बेपत्ता भएका छन् ।
गय राती करिब १० बजे गाउँपालिकाको ७ नम्बर वडामा ४२ वर्षीय रुपलाल मगर घरमाथिबाट खसेको पहिरोले घर पुरिदा रुपलाल उनकी ३८ वर्षीया श्रीमती गोमा र १९ वर्षीया भतिजी एलिसा बेपत्ता भएका थिए ।
बेपत्ता भएकाहरूको खोजी गर्ने क्रममा आज बिहान रुपालालको शव फेला परेको फालेलुङ गाउँपालिकाका अध्यक्ष वीरविक्रम थाम्सुहाङले जनाएका छन् । उनका अनुसार नेपाल प्रहरी, सशस्त्र प्रहरी र नेपाली सेनाको टोलीले बेपत्ता भएका अन्य दुई जनाको खोजिकार्य गरिरहेको छ ।
ढुङ्गा माटोले बनेको घर तथा गोठ बगाउने गरी आएको पहिरोमा परेका रूपलालका ७१ वर्षीय काका दलप्रसाद भने उछिट्टिएर बाँच्न सफल भएको अध्यक्ष थाम्सुहाङले बताए ।
