सहिद स्मारक ’ए’ डिभिजन लिग फुटबल अन्तर्गत आज शनिबार तीन खेलहरु हुँदैछन् ।
त्रिपुरेश्वरस्थित दशरथ रंगशालामा हुने पहिलो खेलमा जावलाखेल युथ क्लब र एपीएफ क्लबबीच प्रतिस्पर्धा हुनेछ । जावलाखेल र एपीएफबीचको खेल दिउँसो २ बजे सुरु हुनेछ ।
२१ खेलमा ३४ अंक जोडेर तेस्रो स्थानमा रहेको जावलाखेल आज दशौँ जितको लक्ष्यमा खेल्ने छ । २१ खेलमा २६ अंक जोडेर आठौं स्थानमा रहेको एपीएफ आठौं जितको प्रतीक्षामा रहेको छ ।
दोस्रो खेलमा चर्च ब्वाइज युनाइटेड र संकटा क्लबबीच प्रतिस्पर्धा हुनेछ । दोस्रो खेल साँझ ६ बजे सुरु हुनेछ । चर्च ब्वाइज २१ खेलमा ३८ अंक जोडेर शीर्ष स्थानमा छ । संकटा २१ खेलमा २३ अंक जोडेर १३ औं स्थानमा रहेको छ ।
त्रिभुवन आर्मी क्लब र मछिन्द्र फुटबल क्लबबीच च्यासल मैदानमा प्रतिस्पर्धा हुनेछ । आर्मी र मछिन्द्रबीचको खेल दिउँसो ३ बजे सुरु हुनेछ ।
आर्मी २१ खेलमा २९ अंक जोडेर चौंथो स्थानमा छ । मछिन्द्र २१ खेलमा ३५ अंक जोडेर दोस्रो स्थानमा रहेको छ ।
यस्तै दोस्रो लेगको नवौं चरणअन्तर्गत शनिबार दुई खेलहरु हुनेछन् । जसमा एक खेल च्यासल मैदान र दुई खेल दशरथ रंगशालामा हुनेछ ।
शुक्रबार भएको हिमालयन शेर्पा र थ्रीस्टारबीचको खेलमा हिमालयन शेर्पाले जित निकालेको छ ।
त्रिपुरेश्वरस्थित दशरथ रंगशालामा शुक्रबार भएको खेलमा हिमालयनले थ्री स्टार क्लबलाई १–० गोल अन्तरले हराएको हो । हिमालयनको जितमा निशान लिम्बूले इन्जुरी समयमा गोल गरे । हिमालयन २१ खेलमा २९ अंक जोडेर छैटौं स्थानमा उक्लिएको छ ।
हिमालयनको सातौं जितमा थ्री स्टारले सातौं हार बेहोरेको छ । थ्री स्टार २१ खेलमा २६ अंक जोडेर नवौं स्थानमा छ ।
यस्तै शुक्रबारै भएको दोस्रो खेलमा नेपाल पुलिस क्लबले जित निकालेको छ । दशरथ रंगशालामा शुक्रबार पुलिसले एफसी खुमलटारलाई २–० गोल अन्तरले हराएको हो ।
पुलिसको जितमा भरत शाह र मोहमद आसिकले एक एक गोल गरे ।
पुलिस आठौं जित निकाल्दै छैठौं स्थानमा उक्लिँदा २१ खेलबाट २८ अंक जोडेको छ ।
