उदयपुरगढी गाउँपालिकामा मोटरसाइकल दुर्घटना हुँदा एक जनाको मृत्यु भएको छ । सोमबार राती ८ बजे गाईघाटबाट कटारी तर्फ जाँदै गरेको प्र. २–०१–००३ प ९१११ नम्बरको मोटरसाइकल गाउँपालिकाको २ नम्बर वडा स्थित मदन भण्डारी राजमार्ग दुर्घटना भएको थियो ।
आफै अनियन्त्रित भई दुर्घटना भएको उक्त मोटरसाइकलमा पछाडि सवार सर्लाहीका ४५ वर्षीय रमेश सुबेदीको जिल्ला अस्पताल उदयपुर गाईघाटमा उपचारको क्रममा मृत्यु भएको जिल्ला प्रहरी कार्यालय उदयपुरले जनाएको छ ।
कार्यालयका अनुसार मोटरसाइकल चालक सप्तरीकै ४५ वर्षीय उपेन्द्र यादवलाई नियन्त्रणमा लिइ घटनाको सम्बन्धमा थप अनुसन्धान भइरहेको छ ।
