विजयपुर । माल्दिभ्समा स्वर्णपदक विजेता खेलाडीलाई धरानमा सम्मान गरिएको छ ।
शनिबार धरान–११ स्थित मितेरी फुटसल प्रा.लि.ले दक्षिण एसियाली शारीरिक सुगठन प्रतियोगितामा स्वर्णपदक विजेता ललित धिमाललाई सम्मान गरेको हो । फुटसलका सञ्चालक लुकेन्द्र राईका अनुसार फुटसलले ५ हजार नगदसहित सम्मान गरेको हो ।
उनका अनुसार माल्दिभ्सको राजधानी मालेमा जुलाई ५ देखि ९ सम्म सम्पन्न शारीरिक सुगठन प्रतियोगितामा धिमालले ७५ केजी समूहमा स्वर्णपदक जितेका थिए । पदक विजेता धिमाललाई धरान उपमहानगरका उपप्रमुख अइन्द्रविक्रम बेघाले सम्मान गरेका थिए । सुनसरी खेलकुद महासङ्घले पनि उनलाई सम्मान गरेको थियो ।
