विजयपुर । धरान–१ स्थित ब्रह्मकुमारी राजयोग सेवा केन्द्रमा ‘आऔँ हामी मिलेर बनाऔँ एक स्वर्णिम समाज’ अभियान हुने भएको छ ।
शनिबार केन्द्रले पत्रकार सम्मेलन गरी यही मङ्सिर १८ गते अभियान हुने जनाएको छ । केन्द्रको अन्तर्राष्ट्रिय मुख्यालय प्रजापिता ब्रह्माकुमारी ईश्वरीय विश्व विद्यालय, माउण्ट आबु राजस्थान समाज सेवा विभागको आगमनमा अभियान हुने भएको हो । ब्रह्माकुमारीको मुख्यालयका प्राध्यापक ई.वी. गिरिसले सहजीकरण गर्नेछन् ।
केन्द्रकी प्रमुख सञ्चालिका ब्रह्माकुमारी नानीमैया श्रेष्ठ सामाजिक, धार्मिक, शिक्षा, स्वास्थ्य, साहित्य, महिला सशक्तिकरण, खेलकुदलगायतका क्षेत्रमा निःस्वार्थ परोपकारी सेवा पुर्याउने समाजसेवीहरूलाई प्रेरित गर्ने बताइन् । उक्त कार्यक्रममा १ सयजना समाजसेवीहरूलाई सम्मान गर्ने केन्द्रले जनाएको छ ।
