धरान/सफायर फुटसल टिमले प्रतियोगितात्मक फुटसल प्रतियोगिताको उपाधि जितेको छ ।
सफायारले झरना साकोसलाई सून्यका विरुद्ध चार गोल अन्तरले जित्दै उपाधि उचालेको हो । उपाधि जितेको सफायरले नगद २५ हजार रुपैयासहित ट्रफी, मेडल, प्रमाण पत्र तथा जर्सी प्राप्त गरेको छ । उपविजेता बनेको झरना साकोसले १५ हजार रुपैयासहित ट्रफी, प्रमाण पत्र प्राप्त गरेको छ ।
विजेताहरुलाई आयोजक अल स्टार क्लवका अध्यक्ष राजन मगर, सेवक अभियानका अभियन्ता राजिव हलुवाईलगायतले पुरस्कार वितरण गरेका थिए । आइतबारदेखि सुरु भएको प्रतियोगितामा इटहरीको एकसहित ३२ वटा टिमहरुले प्रतिस्पर्धा गरेका थिए । फाइनल कार्यक्रममा आयोजक अल स्टारले हाम्रो डान्स सेन्टरलाई च्यारिटी अन्तर्गत ५ हजार रुपैया आर्थिक सहयोग गरिएको थियो ।
फाइनलमा महिलाहरुबीच मैत्रीपूर्ण फुटसलसमेत गरिएको थियो ।
