पोर्चुगललाई हराउँदै स्विटजरल्याण्ड विजयी

धरान/युरोपियन च्याम्पियन पोर्चुगललाई हराउँदै स्विटजरल्याण्डले विश्वकप छनौटमा जीत निकालेको छ । गए रातिको खेलमा स्विटजरल्याण्डले पोर्चुगललाई २–० गोल अन्तरले हराउँदै विजयी बनेको हो । स्विटजरल्याण्डबाट खेलको २३ औं मिनेटमा इम्बोलाले गोल गर्दै अग्रता कायम गरेका थिए । लगत्तै मेहमेदीले गोल संख्या दोब्बर पारे । पोर्चुगल र स्विटजरल्याण्ड समूह बिमा रहेका छन् । यसअघिको खेलमा पोर्चुगलले सुखद सुरुवात गरेको थियो । जसमा नानी चम्किएका थिए । पोर्चुगलमा अहिले रोनाल्डो खेलेका छैनन् । युरोकै क्रममा घाइते भएका उनी अहिलेसम्म फर्ममा आउन सकेका छैनन् ।